ივანე ჯავახიშვილის სახელობის თბილისის სახელმწიფო უნივერსიტეტი მრავალსაუკუნოვანი ქართული კულტურის, ჰუმანისტური ტრადიციების, ძველი ქართული საგანმანათლებლო, სამეცნიერო და კულტურული ცენტრების სულიერი და ინტელექტუალური მემკვიდრეა.

მისი, როგორც პირველი ქართული უნივერსიტეტის, მისია არის:

• ეროვნულ და ზოგადსაკაცობრიო ღირებულებათა დამკვიდრება; • საზოგადოების ინტელექტუალური, ზნეობრივი, კულტურული და სოციალურ- ეკონომიკური განვითარების ხელშეწყობა; • ინოვაციური კვლევებითა და სწავლებით საუნივერსიტეტო ტრადიციების განვითარება; • აკადემიური თავისუფლების დაცვა; • სტუდენტისა და პროფესორის პიროვნულ და პროფესიულ განვითარებაზე ზრუნვა; • ცოდნის შექმნა, შენახვა და გადაცემა; • ფუნდამენტური და გამოყენებითი სამეცნიერო კვლევების განვითარება; • სტუდენტზე ორიენტირებული სწავლება და კონკურენტუნარიანი კადრების მომზადება; • უწყვეტი განათლების ხელშეწყობა; • საერთაშორისო აკადემიური და სამეცნიერო თანამშრომლობის განვითარება; • თავისუფალი სამყაროს საუნივერსიტეტო საზოგადოების ღირსეული წევრობა.