დღე-ღამეში 24 საათი, 7 დღე კვირაში და 365 დღე წელიწადში, ჩვენი ექიმები თქვენს სამსახურში არიან

თბილისის სასწრაფო სამედიცინო დახმარების ისტორია 1909 წელს უკავშირდება. მისი ისტორია 100 წელზე მეტს ითვლის. თავდაპირველად სასწრაფო სამედიცინო დახმარებას სულ ორი თუ სამი ექიმი ჰყავდა, რომლებიც პაციენტის სანახავად სამედიცინო ეტლით დადიოდნენ.

დღესდღეობით თბილისის მოსახლეობას 24 საათიან რეჟიმში პროფესიონალი ექიმებით დაკომპლექტებული 97 ბრიგადა ემსახურება. ტერიტორიული პრინციპით, ქალაქის სხვადასხვა რაიონში განთავსებულია 14 რაიონული სამსახური და მოიცავს მთელს ქალაქს. 
თბილისის ერთ–ერთი სასიცოცხლო მნიშვნელობის სამსახურის მიზანია, ქალაქის მოსახლეობისთვის პრეჰოსპიტალურ ეტაპზე გადაუდებელი სამედიცინო დახმარების აღმოჩენა.