სოხუმის საზოგადოებრივი კოლეჯის მიზანია მაღალკვალიფიცირებული სპეციალისტების მომზადება, რომელთაც ექნებათ პროფესიული განათლების შესაბამისი ცოდნა, დამოუკიდებელი აზროვნების უნარი, პროფესიული კარიერისთვის აუცილებელი ცოდნა და უნარ-ჩვევები. 

სოხუმის საზოგადოებრივი კოლეჯის მისიაა საზოგადოების უზრუნველყოფა ინტელექტუალური და კვალიფიციური, მაღალი ზნეობრივი და მორალური ფასეულობების მქონე ადამიანური რესურსებით, რაც ხელს შეუწყობს დემოკრატიული საზოგადოების მშენებლობას, ქვეყნის ეკონომიკურ განვითარებას და მის წარმატებულ საერთაშორისო ინტეგრაციას.

სოხუმის საზოგადოებრივი კოლეჯის ფასეულობებია პროფესიონალიზმი, აზრის გამოხატვის თავისუფლება, ღირსების კოდექსის განუხრელი დაცვა. ჩვენი სურვილია აფხაზეთში მცხოვრები ახალგაზრდობის ყოველმხრივი დაინტერესება საქართველოს ხელისუფლების მიღწევებით საბანკო, ტურიზმის და ჯანდაცვის სექტორში, რათა შესაძლებლობის ფარგლებში მოხერხდეს ჩვენს კოლეჯში მათთვის მაღალი ხარისხის პროფესიული განათლების შეთავაზება. კოლეჯი მიზნად ისახავს თავისი სწავლების და მომსახურეობის ხარისხით გახდეს ერთ-ერთი თვალსაჩინო სასწავლებელი.