სახელმწიფო სერვისების განვითარების სააგენტო შეიქმნა სამოქალაქო რეესტრის სააგენტოში დაგროვებული ცოდნისა და გამოცდილების ბაზაზე. მისი მთავარი ამოცანა ქვეყანაში სერვისების განვითარების ხელშეწყობაა. მომხმარებელზე ორიენტირებული სერვისების დანერგვის კუთხით, სამოქალაქო რეესტრის სააგენტომ ბოლო ექვსი წლის განმავლობაში, მნიშვნელოვან წარმატებებს მიაღწია, რამაც მნიშვნელოვნად გაუმარტივა მოსახლეობას ცხოვრება და ხელი შეუწყო მათ დოკუმენტების მოწესრიგებაში.