ასი ათასი მოწამის სახელობის სკოლა ფესვები კერძო სასწავლო დაწესებულებაა, წარმოადგენს გახანგრძლივებული დღის რეჟიმის სკოლას, სამსაფეხურიანი სწავლებით და უზრუნველყოფს პიროვნებისა და სახელმწიფოს შესაბამის მოთხოვნათა რეალიზაციას.

სკოლა პრიორიტეტულად მიიჩნევს მუდმივად ზრუნავდეს სოციალურად დაუცველი მოსწავლეების პირობების გაუმჯობესებაზე (ასეთი სტატუსის მქონე ბავშვებს ყოველწლიურად ვიღებთ პირველ კლასში სწავლის გადასახადის გარეშე, სკოლაში საცხოვრებელი ფართობი გამოვუყავით ერთ მრავალშვილიან, სოციალურად დაუცველ ოჯახს,) უნარ-შეზღუდული ბავშვების საზოგადოებაში ადაპტაციას სრულფასოვან წევრებად ჩამოყალიბებაზე, ნიჭიერ ბავშვთა გამოვლენაზე, პედაგოგთა კვალიფიკაციის ამაღლებასა და პროფესიულ განვითარებაზე. ასევე გვაქვს სურვილი, შევქმნათ პროფესიული სწავლების პროგრამები, როგორც ტექნიკურ დარგებში ასევე, მეღვინეობა მევენახეობა და ტურიზმი.