„ბიზნეს სამართლის ტრენინგ ცენტრი“ (BLTC) დაარსდა 2011 წლის 10 ოქტომბერს. იგი წარმოადგენს არაკომერციულ (არასამეწარმეო) იურიდიულ პირს და მისი მიზანია მოამზადოს ბიზნეს სამართლით დაინტერესებული პირები პრაქტიკული საქმიანობისათვის.
ჩვენი ვებ გვერდია: bltc.ge

დღეისათვის ქართული იურიდიული განათლების სისტემა იურისტებს ამზადებს სხვადასხვა თეორიული საგნების მიხედვით. მიუხედავად ქართული უნივესრიტეტების დიდი მონდომებისა, სტუდენტებისათვის პრაქტიკული უნარ-ჩვევებისა და სპეციალური ცოდნის გადაცემა გარკვეული სუბიექტური თუ ობიექტური მიზეზების გამო სრულყოფილად ვერ ხორციელდება.

ბიზნეს სამართლის ტრენინგ ცენტრის მიზანია, იურისტებს შესთავაზოს ბიზნეს სამართლის სფეროში ისეთი ტიპის პრაქტიკული კურსები, რომელიც საშუალებას მისცემს მათ უკეთ გაერკვნენ პრაქტიკაში საქმიანობის დაწყებისას არსებულ პრობლემებში.

გარდა ზემოაღნიშნულისა, ცენტრის მიზანია ბიზნეს სამართლის დარგებთან დაახლოებული ისეთი კურსების ორგანიზება, რომელთა გავლის შემდგომაც  იურისტებს და ბიზნეს სამართლის სფეროთი დაინტერესებულ სხვა პროფესიის პირებს გაარკვევს ამ მეტად რთული სფეროს პრობლემატიკაში.