AA PLASTI არის, შპს აა პლასტი, საიდენტიფიკაციო კოდი:206271826
კომპანია "აა პლასტი" ქართულ-აზერბაიჯანულ ერთობლივ კომპანიას წარმოადგენს, რომელიც 2007 წლის დასაწყისში დაარსდა და მისი საქმიანობის ძირითად მიმართულებას პოლიეთილენისა და პოლიპროპილენის პირველადი ნედლეულის იმპორტსა და რეალიზაციას წარმოადგენს. ამასთანავე, კომპანია ახორციელებს პოლიეთილენის ნედლეულის გადამუშავებასა და ნაწარმის ქართულ ბაზარზე რეალიზაციას.

უნდა აღინიშნოს, რომ პოლიეთილენის სფეროში "აა პლასტი" ყველაზე მსხვილი მწარმოებელია შიდა ბაზარზე. ხელმძღვანელობის მიერ გატარებულმა სწორმა მენეჯმენტმა და სახელმწიფოს მხრიდან გარკვეულმა მხარდაჭერამ განაპირობა ის, რომ 2007 წლიდან მკვეთრად შემცირდა საქართველოში პოლიეთილენის მზა პროდუქციის იმპორტი და ამასთანავე, მკვეთრად გაიაფდა აღნიშნული პროდუქციის ფასებიც. კომპანიის მუშაობის ერთ-ერთი მთავარი სფეროა სოფლის მეუნეობისთვის სასათბურე ფირების წარმოება. ბაზრის შესწავლამ გვაჩვენა, რომ აგრარული სექტორისთვის საჭირო სასათბურე ფირის 80% და პოლიეთილენის სხვა სახეობის პროდუქციის 60% იწარმოება "აა პლასტის" მიერ.