ჯანდაცვის ასოციაცია წარმოადგენს არასამეწარმეო არაკომერციულ იურიდიულ პირს, რომელიც აერთიანებს 75 კლინიკას მთელი ქვეყნის მასშტაბით. ასოციაციის ყველა კლინიკა ჯამურად ემსახურება  1,561,395  პაციენტს წელიწადში; თანამშრომელთა საერთო რაოდენობა შეადგენს 15 631;

ჯანდაცვის ასოციაციის წევრი კლინიკების გაერთიანებული წილი ქვეყნის კერძო საკუთრებაში არსებული საწოლების 42%-ს შეადგენს.

ასოციაციის დამფუძნებლებს აერთიანებთ დარგის განვითარების და ამით კლინიკებისთვის უკეთესი გარემოს შექმნის სურვილი, რაც უზრუნველყოფს ჯანდაცვის სისტემის სამომავლო მდგრადობას.

ჯანდაცვის ასოციაცია არის პლატფორმა, სადაც ერთიანდება წევრი ორგანიზაციების პრაქტიკოსი და გამოცდილი კადრების, სამედიცინო პერსონალისა და მენეჯმენტის მძლავრი ინტელექტუალური რესურსი.

ჯანდაცვის ასოციაციის პლატფორმა  არის ჯანდაცვის პოლიტიკის განმსაზღვრელების, მენეჯერების, ჯანდაცვის პროფესიონალების, მკვლევარებისა და განმანათლებლების გამაერთიანებელი რგოლი. ადგილი, სადაც მოხდება პრობლემების გადაჭრის საუკეთესო გზების, ინიციატივების შემუშავება ქვეყნის ჯანდაცვის სისტემის უწყვეტი გაუმჯობესებისთვის.

ასოციაციის წევრი კლინიკებისთვის: ასოციაცია გახსნილია თანამშრომლობისთვის და ახალი წევრებისთვის.