Georgian Progress Group-ი არის მოტივირებული ახალგაზრდა პროფესიონალების გუნდი, რომელიც შედგება საერთო მიზნის მქონე მრავალმხრივი განათლებისა და გამოცდილების მქონე წევრებისგან. ყველა წევრის უმთავრესი ინტერესია ბიზნეს გარემოსა და ქვეყნის პროგრესი, რაც კომპანიის სახელის ინსპირატორიც გახდა.

გვსურს, ჩვენი გამოცდილება და განვითარების სურვილი მოვახმაროთ მენეჯმენტისა და ბიზნესის სფეროში მომუშავე პირებს და დავეხმაროთ ორგანიზაციებს მიაღწიონ პროგრესს. ბოლო 3 ათწლეულის განმავლობაში საქართველოში ბიზნესის კეთების კუთხით იყო ცვალებადი გარემო, რის გამოც ქართული ბიზნესისა და მენეჯმენტის გეგმები, მიზნები და ხედვა გახდა მოკლევადიანი და დამოკიდებული პოლიტიკურ და ეკონომიკურ კლიმატზე. აღნიშნული პრობლემების გამო ქართული ბიზნესი საბჭოთა ტიპის ბიზნესწარმოების მოდელიდან ვერ გადავიდა ან ნელი ტემპით გადადის თანამედროვე ტიპის ბიზნესის მართვის მოდელზე.

ჩვენი მიზანია, აღნიშნული პრობლემების დასაძლევად ვითანამშრომლოთ ბიზნეს გარემოსა და საჯარო სექტორში მომუშავე ყველა დაინტერესებულ პირთან და ორგანიზაციასთან. გვსურს, ხელი შევუწყოთ ახალი ტიპის ლიდერების პიროვნულ განვითარებას, თანამედროვე ბიზნესისა თუ მენეჯერული უნარების ჩამოყალიბებასა და დახვეწას.