დაირექტ დებიტ ჯორჯია არის, შპს დაირექტ დებიტ ჯორჯია , საიდენტიფიკაციო კოდი:205130464

შპს „დაირექტ დებიტ ჯორჯია“ წარმოადგენს სს „ბიჯეო ჯგუფი“–ში შემავალ კომპანიას, რომელიც 2006 წელს დაარსდა და უკვე 11 წელია, საქართველოს მასშტაბით, წარმატებით ოპერირებს გადახდების ინდუსტრიაში.
„დაირექტ დებიტ ჯორჯია“ საგადახდო მომსახურების ორ მიმართულებას ახორციელებს: მომხმარებლისგან თანხების თვითმომსახურების ტერმინალების საშუალებით მიღებას და მომხმარებლისგან შესაბამისი მომსახურებისათვის გათვალისწინებული თანხების სალაროს საშუალებით მიღება/გაცემას. 
„დაირექტ დებიტ ჯორჯია“ თვითმომსახურების ტერმინალების განსათავსებელად ლოკაციების მოძიებას უზრუნველყოფს, მათ ტექნიკურ მხარდაჭერას და გამართვას, ასევე ტერმინალებში მომხმარებლების მიერ გადახდილი (ჩარიცხული) თანხების აკუმულირებას ახდენს. საქართველოს მასშტაბით, დაახლოებით 3000 თვითმომსახურების ტერმინალია განთავსებული.